Este prazo estará aberto ata o 20 ás 14.00h. O formulario de petición está dispoñible na cabeceira da páxina web do Concello e debe presentarse por Rexistro, ben por vía sede electrónica o no propio edificio consistorial.
Marín, 17 xuño 2024
O Concello xa recibiu cerca dun centenar de solicitudes para o acendido de fogueiras nas noite do 23 de xuño. O prazo para facer esta trámite estará aberto ata o día 20 ás 14.00 horas.
O formulario para solicitar as cacharelas pode descargarse a través da seguinte ligazón.
Para presentalo, pode facerse a través da sede electrónica ou de xeito físico no edificio consistorial.
En canto ás normas de obrigado cumprimento, o Concello lembra que está prohibido levar a cabo cacharelas sobre as vías públicas pavimentadas, praias, xardíns ou zonas verdes e baixo tendidos eléctricos e telefónicos. As cacharelas terán que gardar unha separación mínima de 12 metros lineais coa vexetación, casas e edificios máis cercanos. A súa altura máxima será de 14 metros e o diámetro da zona de combustión de 6 metros de ancho.
Para a combustión só poderán emplearse leña, ramas, troncos de árbores ou calquera material de madeira, quedando prohibido emplear materiais inflamables como neumáticos, plásticos, latas, botellas de vidro ou materiais de PVC. Tamén se prohibe botar ás cacharelas aerosoles (aínda se están baleiros), aceites, líquidos combustibles e calquera substancia explosiva.
As persoas que asistan á festa, non se poderán situar nunha área de diámetro similar á altura do pau central da cacharela. Queda prohibido facer cacharelas na praia.
As persoas organizadoras das fogueiras, deberán ter coñecemento dos télefonos de contacto necesarios no caso de que xurda algún accidente: TELÉFONO DE EMERXENCIAS: 112.
A persoa solicitante deberá responsabilizarse do cumprimento das normas establecidas en canto á seguridade e medidas específicas sanitarias.
Mediante estas normas, de obrigado cumprimento, o Concello pretende garantir a protección e seguridade das persoas que participen nestas festas de grande tradición, facendo compatible a diversión coa seguridade de toda a cidadanía.
