20 abril 2021
O Concello de Marín informa de que xa se pode volver solicitar o servizo para o control poboaciónal de pombas e gaivotas, un servizo que se realiza con Larus Control e que é incruento cos animais e que está a dar moi bos resultados nas últimas campañas que se tivo activo.
Tras os primeiros anos de control poboación da pomba común, acadáronse resultados óptimos, reducindo a poboación en máis de 1.500 individuos de media, pasando dunha cifra cercana ás 2.000 pombas establecidas no entorno urbano ao inicio do servizo a 400 durante o 2020.
Tal e como explica a empresa, “no 2021 pretendemos manter e reducir as colonias de pombas a uns números asumibles”. Xa durante o que se leva traballando na tempada, colocáronse gaiolas de captura en diferentes puntos da vila, anto no casco urbano como nas zonas exteriores ao mesmo, con bos resultados.
Desde o mes de abril de 2020, capturáronse un total de 408 pombas en varios puntos da cidade, como a contorna da Rúa República Arxentina, na Praza de Abastos… “Nos últimos meses, atendéronse reclamacións por parte de propietarios privados en relación á presenza de pombas nos seus edificios, que foron asesorados”, explican desde Larus Control
Gaivota patiamarela
O servizo de control poboacional de gaivota patiamarela renovouse tamén debido á gran acollida que tivo entre os cidadáns, principalmente polas molestias e os perxuízos que se evitan nas vivendas ao facer uso do servizo gratuíto que o Concello de Marín lles facilita.
Esta boa acollida vese reflexada nas chamadas recibidas, que van en aumento nas sucesivas campañas. Este é o resumo das cifras de actuación en comparación con outros anos:
Desde a empresa lembran que todos os métodos utilizados dentro dos controis son ecolóxicos e incruentos e que en todo momento cóntase cos permisos de Medio Ambiente para a intervención destas especies.
Todos os veciños que desexen que se lles inspeccionen os tellados poden poñerse en contacto coa empresa a través de laruscontrol@hotmail.com ou no teléfono 654831848 en horario de 10.00 a 19.00 horas
