A caída dun exemplar onte, que revelou a afectación das súas raíces por un fungo, pon en alerta ao Consistorio, que examinará o resto de exemplares
Marín, 23 outubro 2023
Na xornada de onte, no entorno da Casa da Cultura de Seixo caeu unha das árbores, sen, afortunadamente, causar ningún dano na súa caída. Así a todo e tal e como explican desde o Concello, “as raíces deste exemplar aparecen afectadas por un fungo, que moito nos tememos que poida estar afectando ao resto de árbores”.
Por iso, ante esta tesitura o Concello presentou un escrito na Estación Fitopatolóxica do Areeiro para encargar un estudo do resto de árbores da zona e detectar posibles infeccións e situacións de risco.
A árbore caída foi retirada no día de onte.
