Recentemente iniciáronse no roteiro de sendeirismo do Lago de Castiñeiras o desbroce, acondicionamento, retirada de especies invasoras, como as acacias, e a limpeza das árbores caídas durante os temporais de inverno para ter preparada esta ruta turística de cara á época estival.
Estes traballos, realizados pola empresa H2O Iniciativas no Medio Rural, teñen como propósito fomentar o turismo verde no Concello de Marín, pensado para persoas amantes do sendeirismo e do rural, que teñen nesta ruta unha oportunidade de facer deporte nun ambiente natural e gozar do bo tempo da época estival, sendo esta unha ruta que pode ser utilizado tanto por persoas que veñen a visitarnos como polos nosos veciños.
As obras comezaron pola parte do sendeiro que estaba en peor estado e rematarán nas próximas datas.
