Despóis da petición do Concello de Marín á Consellería do Medio Rural, púxose en marcha hoxe ó lado do Concello, unha aula móbil de formación que está a impartir dous cursos, un en horario de maña e outro de tarde para que os alumnos poidan compatibilizar a súa asistencia coas actividades agrícolas da zona.
Cada curso terá unha duración de 25 horas, das cales 9 serán prácticas, para a obtención do carné de manipulador-aplicador de produtos fitosanitarios de nivel básico.
Esta unidade piloto está concibida como apoio á actividade formativa que están a levar a cabo as unidades propias da Consellería do Medio Rural e mesmo ás entidades autorizadas.
O departamento que dirixe Ángeles Vázquez reforza deste xeito a oferta formativa para atender a demanda de todos os agricultores. Esta unidade móbil ten capacidade para trinta alumnos e conta cos medios audiovisuais precisos para impartir, de xeito máis didáctico, as materias e poder realizar as pertinentes prácticas.
