Pobos remotos deixaron en Marín pegadas do seu paso, que chegan aos nosos días a traves dos petróglifos dolmens e castros que se erguen por todo o municipio. Celtas, romanos, suevos, visigodos, normandos… foron pasando logo por estas terras, contribuíndo, en maior ou menor medida, á configuración do Marín de hoxe, enriquecido co acervo cultural de todos estes pobos, que se deixa ver nas manifestacións artísticas e arquitectónicas xa sexan relixiosas, civís ou populares presentes en todo o territorio.
