Actos do Día Internacional da Muller. Concello de Marín. CIM
2-17 de marzo. Centros educativos
Contacontos Contos da avoa Maruxa “O TREN VIOLETA “, exposición “Unha viaxe no tempo. Muleres ilustres da nosa historia” e “Taller sobre violencia de xénero”. Reparto de material para traballar nas aulas a temática. ( colga portas que realizarán as propias nenas e nenos “Espazo Igualitario”).
2-19 de marzo. Vestíbulo do Concello.
Exposición “As nosas matronas”, con material prestado por familias de matronas de Marín e asociacións do municipio.
2 de marzo. 11.00 horas. Recinto do Mercadillo.
Creación dunha viñeta en directo a cargo de Luis Davila “O bichero”, humorista e deseñador gráfico galego.
Reparto de material conmemorativo do “Día Internacional da Muller”
8 de marzo. 12.00 horas. Praza 8 de Marzo.
Lectura do manifesto e acto institucional dedicado ás matronas.
Tecido comercial de Marín e asociacións.
Campaña colga portas pola igualdade. Distintivo de ESPAZO IGUALITARIO.
10 de marzo. 18.00 horas. Museo municipal “Manuel Torres”
Ciclo de cortos “Cinema e Muller”. Obra colaborativa feita por mulleres que ofrecen dez olladas poéticas e xenuínas. Financia Deputación de Pontevedra.
10 de marzo.19.30 horas. “Museo Municipal Manuel Torres”
Ciclo de charlas “Muller e saude”. Asociación de mulleres “O Abeiro”
*Se chove os actos serán trasladados ao Salón de Plenos da casa consistorial.
O Concello de Marín, dende a Concellería de Benestar Social informa que en sesión ordinaria do 23 de xaneiro, o Consello Municipal da Muller, acordou adicar o 8 de marzo, Día Internacional da Muller,ó labor que desenvolven as matronas, oficio tan antigo como a humanidade mesma. As matronas tradicionalmente eran consideradas mulleres sabias que pola súa idade e experiencia axudaban a outras mulleres durante o parto.
A primeira matrona da que se ten constancia na historia foi a grega AGNÓDICE (século IV a.C.). Para poder estudar e exercer a medicina, prohibida naquela época ás mulleres, tivo que disfrazarse de varón. Foi acusada de violación polos seus compañeiros de profesión e para defenderse tivo que revelar a súa identidade. Tal feito agravou a súa situación, pois o exercicio da medicina estaba prohibido para as mulleres, o que supoñía unha condena de morte. Mulleres atenienses de todas as clases sociais que foran atendidas por ela, optaron por iniciar unha folga de relacións sexuais para non quedarse embarazadas e presionar con este feito para solicitar a absolución de Agnódice. Finalmente conseguiron o seu propósito e lograron a liberdade da matrona e o libre exercicio da súa profesión xa como muller. Máis tarde sería modificada a lei para facilitar o acceso das mulleres aos estudos e o exercicio da práctica médica coa condición de que só atenderan a mulleres.
Co obxectivo de valorar o traballo realizado polas matronas terá lugar un acto público institucional na Praza 8 de Marzo, que poderá ser trasladado ao Salón de Plenos do Concello no caso de choiva. Este acto celebrarase ás 12.00 horas o día 8 de marzo.
Así mesmo, estase a organizar unha exposición sobre o tema con material ginecolóxico e documentos cedidos polas familias das matronas que exerceron a súa profesión en Marín para o mes de marzo.
