19 abril 2021
A Rúa Estrada xa loce o seu novo aspecto, despois de ser obxecto dunha obra de humanización financiada pola Consellería de Medio Ambiente, Territorio e Vivenda, e que supuxo unha inversión de case 360.000 euros, aportado un 70% pola Xunta e un 30% polo Goberno local.
Esta rúa, ubicada entre Méndez Núñez e Concepción Arenal, forma parte do centro neurálxico da vila marinense e precisaba dunha mellora no que ten que ver coa mobilidade urbana, xa que, ademais, conecta puntos importantísimos a nivel veciñal como a Casa Consistorial, a Policía Local, varios centros educativos e o Pargue Eguren.
Ademais do ancheamento das beirarrías, mellorouse a accesibilidade e o pavimento e, sobre odo, renováronse todos os sistemas de alumeado, abastecemento e saneamento, que son servizos fundamentais que supoñen unha parte importante da obra pero que é precsio renovar para ofrecelos na mellor calidade posible.
Por outra banda, a nivel ornamental, instaláronse unhas xardineiras nas que a día de hoxe locen as flores, aportando un acabado estéticamente mellor do que había antes.
A realización deste proxecto de humanización enmárcase no Plan Hurbe, un rograma posta en marcha pola Xunta de Galicia en 2010 pafra axudar á posta en valor das vilas galegas, potenciando infraestruturas, servizos e equipamentos públicos de calidade.
