Trátase dun estudo para establecer os usos, funcións, horarios, normas e outras indicacións da Biblioteca, o Museo, os locais municipais, as casas de cultura municipais, o Multiusos da Praza de Abastos, tendo en conta a dotación de novas infraestructuras culturais, como o Auditorio ou o futuro Centro de Ocio Xuvenil
Marín, 28 marzo 2025
O Concello de Marín conta con diversos espacios socioculturais que a día de hoxe teñen un intenso uso e que se verán complementados nun futuro cercano polo Auditorio que está en plena execución, que ademais do espazo escénico con capacidade para máis de 500 butacas contará con catro salas polivalentes para impulsar a dinamización sociocultural da vila.
Ademais, tamén está previsto retomar o proxecto do Centro de Ocio Xuvenil, que suporá a remodelación do antigo local do Liceo Casino para plantexar un espazo centrado no ocio e a proposta programática de actividades para a mocidade da vila.
O Museo Torres, a Biblioteca Vidal Pazos, as dúas salas da Casa Principal da Finca de Briz, o Multiusos da Praza, coa súa ágora e o acristalado; así como os locais municipais da Cámara Agraria, Méndez Núñez, Cantodarea, o Parque Azul e a Cañota e as Casas de Cultura de Seixo e Mogor formarán parte deste plan municipal.
Tal e como adiantan desde o Concello “o obxectivo é continuar cos actividades que xa existen nestes lugares pero poder facelo dun xeito equilibrado cos novos espazos cos que contaremos”. Para iso, farase un proceso de participación cidadá entre todo o tecido social marinense que a día de hoxe é usuario deses espazos para recoller as súas achegas, comentarios, necesidades e demandas.
