25 xuño 2021
O kickboxing infantil sen contacto chegará esta fin de semana ao Pavillón da Raña, coa celebración do Campionato Galego desta disciplina, organizado pola Federación Galega de Kickboxing MuayThai.
O evento foi presentado polos organizadores e polo concelleiro de Deportes, Antonio Traba. Dentro da competición, haberá probas inéditas ata a data: de mockcombat, de formas e de kickboxing inclusivo. “É a
primeira vez que desde a Federación levamos a cabo estas probas”, destaca o seu delegado, Jose Manuel Santiago, que quixo agradecer ao Concello a súa colaboración “para poder levalo a cabo nesta localidade”
O kickboxing inclusivo trata de darlles a oportunidade a moitos deportistas que teñen algunha limitación por diferentes patoloxías, desde problemas cardíacos a disfuncións intelectuais.
Está previsto que participen máis de 100 competidores que realizarán assúas probas o domingo 27. Por primeira vez, poderá haber público, cun aforo do 30%.
