Contacto | Tel.:986 88 03 00

Subvención Aula Cemit

A Xunta destina unha subvención de 15.000 € par ael Aula Cemit Municipal

A Xunta e a Federación Galega de Municipios e Provincias (Fegamp) colaboran por quinto ano consecutivo para facilitar que a capacitación dixital pública e gratuíta chegue a todos os galegos a través das actividades da Rede de aulas CeMIT.

Así se recolle nun convenio, aprobado en novembro de 2017 polo Consello do Goberno galego, e asinado por Axencia para a Modernización Tecnolóxica de Galicia ( Amtega), a Vicepresidencia e Consellería de Vicepresidencia, Administracións Públicas e Xustiza e a Fegamp.

Segundo o acordo, en 2018 a Amtega achegará ás administracións locais a través da Fegamp un total de 797.277 euros para realizar actividades en materia de inclusión dixital nas consideradas “aulas de referencia” da rede, isto é o nivel de Actividade dás aulas CeMIT

A rede conta cun total de 98 aulas en 92 concellos (das cales 64 son consideradas aulas de referencia por dispoñer dun alto nivel de actividade en inclusión dixital , entre estas a Aula Cemit de Marín)

Este orzamento distribúese atendendo a criterios de actividade das aulas así como da poboación do concello para recibir a subvención correspondente.

Ao importe do convenio súmase o investimento que a Amtega realizará no soporte e mantemento das infraestruturas dos centros e na mellora das ferramentas de xestión e formación que ascende a máis de 800.000 euros. En total, o próximo ano 2018 a Amtega destinará máis de 1,7 millóns de euros para impulsar a realización de actividades de inclusión dixital na Rede CeMIT.

O obxectivo final da Rede CeMIT é incrementar os coñecementos dixitais de todos os galegos e galegas, con independencia da súa idade, lugar de residencia ou situación económica para a mellora a súa autonomía persoal, o envellecemento activo e a
empleabilidad, entre outros. Concretamente, en 2018 está previsto que a rede imparta máis de 35.000 horas formativas no campo dixital e consiga os 80.000 usuarios e usuarias.

Ademais da realización de actividades para dinamizar o uso das TIC, durante 2018 farase fincapé no uso dos servizos dixitais e potenciarase a colaboración cos aliados dixitais do Plan de inclusión dixital de Galicia 2020, que suma xa máis de 770 colaboradores. O papel dos aliados permite dispoñer dunha maior capilaridade en todo o territorio galego e unha maior variedade de actuacións e temáticas respecto ao catálogo de formación dixital da Rede.

Tamén se fomentará a certificación de competencias dixitais ( CODIX), onde se encamiñaron máis de 2.950 persoas e obtiveron a certificación máis de 2.100 persoas. para facilitar unha mellora da competitividade e do acceso ao mercado laboral da cidadanía e potenciarase a adquisición das competencias e habilidades dixitais necesarias para abordar con confianza
o uso das TIC.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies