RUTAS DE SENDEIRISMO – MARÍN A PÉ
MONTES E PRAIAS (Versión longa)
Distancia: 26,79 km
Dificultade: moderada
Desnivel subindo: 976 metros
Neste percorrido, dunhas 6 horas de duración, poderás gozar dos contrastes de Marín, desde a súa zona litoral, con todas as súas praias ata a zona de monte e río.
Descubrirás recunchos escondidos do concello, por exemplo os muíños do río Loira. Así como gran parte do seu patrimonio arqueolóxico, como o Castro dá Subidá, o menhir de Currás, a mámoa dá Pastoriza, o Castelo de Ardán ou os petróglifos de Mogor. Pasarás a carón dunha das igrexas románicas de Marín, Santa María do Campo, con preciosas pinturas no seu interior.
A ruta conta con varios miradoiros naturais como o do banco dá Pastoriza ou desde o Castelo de Ardán onde poderás contemplar toda a ría no seu esplendor, ata a boca da mesma coas illas de Ons e Onza.
Na costa percorrerás as praias do Santo, Loira, Aguete, Mogor e Portocelo, a maioría delas galardoadas co distintivo de Bandeira Azul.
MONTES E PRAIAS (Versión curta)
Distancia: 14,52 km
Dificultade: moderada
Desnivel subindo: 441 m
Mesmo percorrido que a versión longa de Montes e Praias, sobre 3 horas de duración, no que poderás gozar dos contrastes de Marín, desde a súa zona litoral, con todas as súas praias ata a zona de monte e río.
No río Loira existen máis de 50 muíños hidráulicos, xunto coas súas represas e canles. Así como unha flora singular na que destaca, un aliso de máis de 200 anos; como poucos se conservan en Galicia.
De xeito concreto, percorre o último tramo do río Loira, no Campo, e logo bifúrcase no lugar das Abesadas, continuando cara abaixo, hacia a Praia de Loira.
Desde este areal, continúase pola costa ata chegar a Marín, atravesando outras praias como son Aguete, Mogor e Portocelo, galardoadas co distintivo de Bandeira azul.
MONTE PENIZAS
Distancia: 9,34 km
Dificultade: moderada
Desnivel subindo: 371 m
A ruta do Monte Penizas, permite achegarnos ao interior de Marín, nun percorrido dunhas 4 horas de duración.
Compaxinando natureza e patrimonio poderás achegarte a espazos como a Finca Briz, o castro da Subidá e as paraxes do Monte Penizas, pasando polo campo de tiro da Escola Naval, onde atoparás as súas antigas trincheiras.
Pero tamén poderás achegarte aos dous exemplos de arte románica que Marín conserva, a igrexa de Santa María do Campo, xunto co menhir de Currás, unha pedrafita prehistórica, como poucas existen en Galicia.
VARIANTE DE SANTOMÉ DE PIÑEIRO
Distancia: 3,54 km
Dificultade: moderado
Desnivel subindo: 120 m
Dentro da ruta do monte Penizas podes achegarte tomando no cumio das Penizas a variante cara a fermosa igrexa románica de San Tomé de Piñeiro
RUTA DAS PRAIAS
Distancia: 8,60 km
Dificultade: moderada
Desnivel subindo: 228 m
Nesta ruta, dunhas dúas horas de duración, percorrerás o litoral de Marín atopándote con fermosas praias, a maioría delas con bandeira azul.
Portocelo, Mogor, Aguete, Loira, Ribeira e a praia do Santo son os seis areais da ruta.
Descubrirás un pobo ligado ao mar, dende a propia Escola Naval, o porto de Aguete ou a fermosa paraxe entre a praia de Loira, coa súa fábrica de salgadura, e a do Santo.
Este sendeiro que une praias de grande calidade nas súas augas e servizos, foi tamén distinguido como sendeiro azul.
ROTEIRO DOS CINCO MIRADOIROS
Distancia: 9,08 km
Dificultade: moderada
Desnivel subindo: 222 m
Neste percorrido, dunhas tres horas de duración, poderás gozar dende as alturas dunha paisaxe singular, a das Rías Baixas. Descubrirás algunhas das praias de Marín, como Portocelo e Mogor, galardoadas co distintivo de bandeira azul, grazas á calidade das súas augas e servizos.
Nesta última poderás visitar e empaparte da historia dos petróglifos de Mogor a través do seu Centro de Interpretación. Estes petróglifos son gravados na pedra da Idade do Bronce, é dicir, de hai máis de 3.000 anos.
Os seus significados continúan a ser enigmáticos, como así acontece coa figura do labirinto na historia; aquí poderás contemplar un dos poucos que se conservan na fachada atlántica. Posteriormente, o barrio de Mogor, de mediados do século XX, coas súas características casas brancas.
Dende o miradoiro de Cruceiro do Vento poderás observar a evolución no núcleo urbano de Marín en relación ao seu porto. A seguir, a capela das Sete Espadas, que lle valeu de inspiración a Castelao para pintar o seu cadro “A casa do cruceiro”.
Posteriormente entraremos no castro da Subidá, a través das súas murallas ocultas, para poder contemplar as súas vivendas escavadas. Este castro sería unha gran cidade fortificada da Idade do Ferro dominante ante o val de Marín e a ría.
