Contacto | Tel.:986 88 03 00

Reunión Consello Municipal da Muller

O día 5 de xuño de 2017, ás 10.00 horas, na casa consistorial, tivo lugar a reunión ordinaria do Consello Municipal de Muller. O único punto da orde do día foi “Propostas para favorecer a transversalidade de xénero nas diferentes políticas municipais”

Aproveitando que o Consello municipal ten entre as súas funcións a proposta de actuacións e acordos ás diversas Concellerías e a Corporación, formuláronse unha serie de iniciativas entre as que destacan o control sobre o uso non sexista da linguaxe nos documentos administrativos municipais, usando terminoloxía que non oculte,non subordine,non infravalore e inclúa a ambos sexos. Para favorecer este labor porase a disposición dos diferentes departamentos do concello e das asociacións municipais material a modo de guías que traballan este tema.

Así mesmo, presentáronse inicitivas de actividades de convivencia e formación aberta ás asociacións co obxectivo de seguir traballando no pulo da igualdade entre mulleres e homes.

Formuláronse tamén propostas sobre a recollida a través de recopilatorios, en formato fotográfico, da traxectoria histórica do Consello Municipal da Muller e os logros conseguidos dende a súa creación no ano 2005.

A nivel formal cabe destacar o cambio de titularidade da representante de Marea Veciñal de Marín no Consello, Sofía Abal Sanabria por Estrella Pallín Tato e a nova data da reunión ordinaria proposta para o día 23 de outubro de 2017.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies