Contacto | Tel.:986 88 03 00

PETROGLIFOS

Chamados tamén gravados rupestres ou insculturas, esténdense por toda a Idade do Bronce (1800 – 600 a.C.).

Situados preto dos grandes cursos de auga e do mar, enriba de pequenos outeiros e nos vales fluviais, a maior concentración témola na zona costeira da provincia de Pontevedra (curso baixo do río Lérez e nas marxes das rías de Marín e de Vigo).

As tipoloxías son diversas: dende os máis sinxelos buracos (cazoletas), pasando por combinacións circulares , espirais, armas, ata animais (Cérvidos, cabalos, serpes) e representación humana. Menos frecuentes serían os labirintos, as esvásticas, os ídolos e os zigzag.

Non se sabe con exactitude cal podería ser a súa finalidade, se ben son moitas as especulacións: maxia, relixión, ritos propiciatorios para a caza…

O Concello de Marín conta cunha densidade moi alta de petróglifos, repartidos en doce estacións (=concentración de gravados) compostas á súa vez por trinta e catro grupos ou laxes gravadas, localizadas fundamentalmente nas parroquias de Mogor e San Xulián.

Ademais dos coñecidos e afamados petróglifos de Mogor obxecto de estudo de numerosos investigadores a nivel mundial, temos gravados en Cachada Grande, Carballás, Champás, Chan da Lagoa, Cadro, e Pornedo (na parroquia de San Xulián de Marín), e en Godalleira e Sete Espadas (na parroquia de San Xurxo de Mogor). O seu estado de conservación, en xeral, e a pesares de ser declarados monumentos histórico artísticos, non é o axeitado, pero tiveron mellor sorte que outros que desapareceron coma os da Teixugueira, os da Laxe, a Pedra dos Namorados ou o gravado dun cérvido ao que lle puxo fin o vial de praias.

E non nos esquezamos dos “petróglifos” contemporáneos que temos no Concello, os de Pepito Meijón, personaxe que encheu con gravuras infinidade de laxes, muros, pontes, casas, e outros lugares, con motivos do máis inverosímil, que tamén forman parte do noso patrimonio e dos que sería tamén interesante facer unha

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR