Despois de catro anos de traballo continuado na súa afección pola pintura e, da súa última mostra neste museo, mañán, día 01/12/2015, ás 20 horas no Museo Municipal M. Torres terá lugar a inauguración da Mostra de pinturas (óleos sobre lenzo) do autor Gabriel Barros, pintor que recrea as paisaxes do seu Marín natal nas que percorre desde as imaxes antigas aos recunchos máis entrañables do eido popular e da contorna da comarca; sen esquecerse das mariñas de augas azuis e trasparentes e os bancais de areas finas e brancas que lucen nas praias de Galicia; asemade, os espazos verdes que coa súa cromática enchen de cor e expresividade as salas do Museo.
A mostra permanecerá ata o vindeiro 15/12/2015 e poderase visitar no horario habitual do Museo.
