Contacto | Tel.:986 88 03 00

Declaración Ambiental 2016.

O Concello de Marín consciente da importancia da sostibilidade, e convencido da necesidade de establecer unha política e uns obxectivos mediambientais de protección e prevención da contaminación na xestión das praias, comezou a finais de 2008, a posta en marcha dun Sistema de Xestión Medio Ambiental baseado no Regulamento EMAS (Eco-Management and Audit Scheme)

O obxectivo do EMAS é promover a mellora continua do comportamento medioambiental das organizacións, a través da creación e posta en marcha de sistemas de xestión ambiental, avaliación sistemática, obxectiva e periódica do rendemento destes sistemas, a difusión de información sobre o comportamento ambiental, o diálogo aberto co público e outras partes interesadas, e a participación activa do persoal das organizacións.

A posta en marcha do Sistema de Xestión en materia de xestión das praias é unha decisión estratéxica do Concello de Marín

Porque se quere definir métodos de traballo que minimicen os efectos ambientais das actividades de xestión das praias e os efectos da súa utilización polos usuarios.
Porque se quere optimizar o consumo de recursos
Porque se quere sensibilizar os usuarios sobre a limpeza dos areais e preservación do entorno
Porque se aposta pola Mellora Continua do “comportamento ambiental”
As actividades realizadas no marco do Sistema de Xestión Ambiental das praias de Marín, e que delimitan o seu ámbito son a seguridade, salvamento e primeiros auxilios, limpeza e recollida de residuos, mantemento de instalacións, accesos, servizos hixiénicos e actividades de lecer …

Entre as actividades que están dentro do ámbito se ten en conta tamén o mantemento dos equipos para atender as praias e que son xestionados en instalacións pertencentes ao Concello (vehículos limpa-praias, etc).

A implantación e mantemento do Sistema de Xestión Ambiental nas praias de Marín pretende impedir a degradación das praias e potenciar a mellora ambiental das mesmas desde o punto de vista da súa xestión e utilización, aumentando a conciencia ambiental dos usuarios e traballadores.

Desde xullo de 2009, o Concello de Marín está rexistrado co número ES-GA-230 no Rexistro de Centros Adheridos a EMAS sendo o alcance do Sistema “Xestión de praias”.

Anualmente, o sistema é verificado por un auditor dunha entidade acreditada como verificador ambiental, que valida a Declaración Ambiental, para o mantemento do rexistro ante a Unión Europea, a través da autoridade competente que é a Xunta de Galicia.

DECLARACION AMBIENTAL 2016.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies