Contacto | Tel.:986 88 03 00

Campaña Desbroces Camiños

No mes de abril, coincidindo co inicio da primavera o Concello de Marín iniciou a campaña de limpeza e roza dos viarios do rural.

Para a realización destes traballos o Concello conta cunha brigada de rozas a pé da Fundación Juan XXIII que realizará os traballos nos camiños e viarios de paso estreito aos cales non pode acceder o tractor desbrozador do Concello.

A planificación dos traballos responde a criterios de necesidade, considerando o calendario festivo da localidade, a tempada alta de praias e a prevención de incendios. Co fin de facilitar a comprensión do calendario de intervencións o Concello dispón de información na súa páxina web.

Con todo, a través da prensa irase dando información puntual do avance dos traballos.

Ademais dos traballos de roza manual e dos traballos co tractor municipal, o Concello contrata os traballos de roza mecánica en todos os viarios de titularidade municipal, debido ao crecemento rápido da vexetación na época primaveral e para garantir a seguridade viaria.

Esta liña de traballo facilita o contacto das persoas con discapacidade coa veciñanza de Marín e axuda a mostrar “porta a porta” as capacidades deste colectivo de poboación.

Grazas á continuidade na realización destes traballos e á calidade que ofrecen os traballadores, a visión da discapacidade está a cambiar en Marín e hoxe pódese afirmar que se valora á persoa mesmo máis aló do traballo que realiza.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies