Contacto | Tel.:986 88 03 00

Andaina Parque Natural Monte Aloia.

Data: domingo 8 de novembro de 2015.

Punto de saída e retorno: Praza de España, ás 09:30 h. Regreso entre as 15:00 – 15:30 h.

Lonxitude e duración: trátase dun percorrido lineal duns 5 quilómetros, cunha duración aproximada de 3 h., e dificultade baixa.
Visitaremos nesta xornada o Parque Natural do Monte Aloia, no concello de Tui, nunha andaina a través deste fermoso enclave onde a tradición, a historia e a natureza forman un conxunto de gran atractivo. Coñeceremos a enigmática Cama de San Xián, lugar de culto ancestral, que da conta da particular relixiosidade da cultura tradicional galega; percorreremos a muralla tardorromana, unha das máis grandes de Galicia; e tamén as mámoas de Chan Longa. Todo isto a través dunha paisaxe que fixo do Monte Aloia o primeiro parque natural de Galicia, co atractivo ademais dunhas inesperadas panorámicas sobre o río Miño. Unha mestura de rocha, auga, vexetación, historia e mitos que nos sorprenderán.

 

Lembrade levar roupa e calzado cómodo, tamén un chuvasqueiro aínda que se a previsión é de choivas persistentes a andaina se suspendería e trasladaría a unha nova data no mes de decembro

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies